იტალიის მთავრობის სტიპენდიები 2026-2027 აკადემიური წლისთვის

2026-2027 სასწავლო წლისათვის გამოცხადდა იტალიის მთავრობის სტიპენდიები უცხო ქვეყნის მოქალაქეებისა და საზღვარგარეთ მცხოვრები იტალიის მოქალაქეებისთვის.

სტიპენდიები გაიცემა 9 თვის ვადით სამაგისტრო, სადოქტორო, ხელოვნების, მუსიკისა და ცეკვის უმაღლესი პროფესიული განათლების კურსებზე (AFAM), სამეცნიერო კვლევით პროგრამებზე აკადემიური ხელმძღვანელის მეთვალყურეობით, ხოლო 3 თვის ვადით – იტალიური ენისა და კულტურის გაღრმავებულ კურსებზე.

განაცხადების წარდგენის ბოლო ვადაა 2026 წლის 26 მარტი, 17:00 (თბილისის დროით)/ 14:00 (იტალიის დროით) ონლაინ პლატფორმაზე: studyinitaly.esteri.it