საქართველოს განათლებისა და მეცნიერების სამინისტრო 20-25 დეკემბერს „მეცნიერების კვირეულს“ ატარებს
მიმდინარე სამეცნიერო პროცესების პოპულარიზაციის მიზნით, 20-25 დეკემბერს საქართველოში „მეცნიერების კვირეული“ გაიმართება.
მეცნიერების კვირეულის ფარგლებში ჩატარდება სხვადასხვა სახის ღონისძიება, მათ შორის I ეროვნული სამეცნიერო ფორუმი, მეცნიერების პოპულარიზაციის პროგრამის ფარგლებში 2021 წელს განხორციელებული კონკურსების გამარჯვებულთა დაჯილდოებები, სამეცნიერო თემატიკის ნახატების გამოფენები და ტელესპექტაკლის პრემიერა, ლექცია-სემინარები და სხვ.
„მეცნიერების კვირეული“ საქართველოს განათლებისა და მეცნიერების სამინისტროს მეცნიერების პოპულარიზაციის პროგრამის „მეცნიერების კალენდარი 2021“ შემაჯამებელი ღონისძიებაა.
იხილეთ „მეცნიერების კვირეულის“ პროგრამა.
