ქუთაისის სკოლების წარჩინებულ კურსდამთავრებულებს ოქროს და ვერცხლის მედლები გადაეცათ
საქართველოს განათლების, მეცნიერებისა და ახალგაზრდობის მინისტრის მოადგილემ თამარ მახარაშვილმა, საქართველოს პარლამენტის წევრ, ქუთაისის დელეგატ ზაზა ლომინაძესთან, ადგილობრივი ხელისუფლების წარმომადგენლებთან და ქუთაისის საერთაშორისო უნივერსიტეტის რექტორის მოვალეობის შემსრულებელ პაატა ტურავასთან ერთად, ოქროსა და ვერცხლის მედალოსნები დააჯილდოვა.
ღონისძიება ქუთაისის საერთაშორისო უნივერსიტეტში (KIU) გაიმართა, სადაც თამარ მახარაშვილმა ახალგაზრდებს სკოლის წარჩინებით დასრულება მიულოცა, სამომავლო საქმიანობაში წარმატებები უსურვა და ქვეყნის განვითარების საქმეში ახალგაზრდების მნიშვნელოვან როლზე ისაუბრა.
2023-2024 სასწავლო წელს ქუთაისის სკოლებს 479 მედალოსანი ჰყავდათ. მათ შორის, ოქროს მფლობელი 393, ხოლო ვერცხლის მედლის მფლობელი 86 მოსწავლე.
