ზვიად გაბისონიამ იმერეთისა და სამეგრელოს რეგიონების დამსახურებული მასწავლებლები და მედალოსანი კურსდამთავრებულები დააჯილდოვა
საქართველოს განათლების, მეცნიერებისა და ახალგაზრდობის მინისტრის მოადგილე ზვიად გაბისონიამ იმერეთისა და სამეგრელოს რეგიონებში ღვაწლმოსილი პედაგოგები და ოქროსა და ვერცხლის მედალოსანი კურსდამთავრებულები დააჯილდოვა.
მინისტრის მოადგილემ თითოეულ მათგანს მადლობა გადაუხადა დაუღალავი შრომისთვის და ყურადღება გაამახვილა მომავალი თაობების აღზრდასა და ქვეყნის განვითარებაში მათ როლზე.
ზვიად გაბისონიამ იმედი გამოთქვა, რომ მათი მიღწევები მომავალშიც არაერთხელ გახდება ქვეყნის სიამაყის მიზეზი.
დაჯილდოების ღონისძიებას მოწვეულ სტუმრებთან ერთად ადგილობრივი ხელისუფლების წარმომადგენლები ესწრებოდნენ.
საქართველოს განათლების, მეცნიერებისა და ახალგაზრდობის მინისტრის ინიციატივით, მასწავლებლის ეროვნული პრემიის ფარგლებში, ღვაწლმოსილ პედაგოგთა დაჯილდოება ყველა რეგიონში 10 ოქტომბრის ჩათვლით გაიმართება. დასკვნითი ღონისძიება 27 ოქტომბერს თბილისში, ოპერისა და ბალეტის თეატრში ჩატარდება.
სამეგრელოს რეგიონში, ზვიად გაბისონიამ ასევე დაათვალიერა ჩხოროწყუს მუნიციპალიტეტის ლეწურწუმეს თემის ახლად რეაბილიტირებული საჯარო სკოლა, ხოლო რამინ დიხამიჯიას სახელობის ჩხოროწყუს N1 საჯარო სკოლის ბაზაზე, პროფესიული სასწავლებლის სამშენებლო სამუშაოებს გაეცნო.
