თამარ მახარაშვილი იტალიური ენის მსოფლიო კვირეულის შემაჯამებელ ღონისძიებას დაესწრო
საქართველოს განათლების, მეცნიერებისა და ახალგაზრდობის მინისტრის მოადგილე თამარ მახარაშვილი იტალიური ენის ოცდამეექვსე მსოფლიო კვირეულის შემაჯამებელ ღონისძიებას დაესწრო და დამსწრე საზოგადოებას სიტყვით მიმართა.
ღონისძიების ფარგლებში წარმოდგენილი იყო სხვადასხვა სასკოლო საფეხურის მოსწავლეთა საუკეთესო ნამუშევრები, მუსიკალური ნომრები და იტალიურ ენაზე მომზადებული საპროექტო პრეზენტაციები. ასევე, დაჯილდოვდნენ კონკურსებში გამარჯვებული მოსწავლეები.
იტალიური ენის მსოფლიო კვირეული სამინისტროს მხარდაჭერით საქართველოს მასშტაბით 65 სკოლაში გაიმართა და მასში 9 000-ზე მეტი მოსწავლე ჩაერთო.
საქართველოს განათლების, მეცნიერებისა და ახალგაზრდობის სამინისტროს მხარდაჭერით, იტალიის საელჩოს ძალისხმევითა და მასწავლებელთა პროფესიული განვითარების ეროვნული ცენტრისა და იტალიური განათლების ცენტრ MINERVA-ს თანამშრომლობით, საქართველოს სკოლებში იტალიური ენის, როგორც მეორე და მესამე უცხოური ენის, სწავლება დაიწყო.
ინიციატივა ხელს უწყობს სკოლებში იტალიური ენის სწავლების განვითარებას, მოსწავლეთა ენობრივი და შემოქმედებითი კომპეტენციების გაძლიერებას, ასევე საქართველოსა და იტალიას შორის საგანმანათლებლო და კულტურული თანამშრომლობის გაღრმავებას.
ღონისძიებაში მონაწილეობა მიიღეს იტალიის რესპუბლიკის საგანგებო და სრულუფლებიანმა ელჩმა საქართველოში მასიმილიანო დ’ანტუონომ, იტალიური განათლების ცენტრ MINERVA-ს პრეზიდენტმა ჯოვანი ჯაკომანტონიომ, მასწავლებელთა პროფესიული განვითარების ეროვნული ცენტრის დირექტორმა ეკატერინე ხუციშვილმა, შეფასებისა და გამოცდების ეროვნული ცენტრის დირექტორმა თამარ მემანიშვილმა და სხვა მოწვეულმა სტუმრებმა.
