იტალიის საელჩოს ინფორმაცია მედიცინისა და ქირურგიის ინგლისურენოვან სამაგისტრო პროგრამაში მონაწილეობის შესახებ

იტალიის საელჩოს ინფორმაციით, 2013 წლის 15 აპრილს ტარდება გამოცდა IMAT (International Medical Admissions Test) 2013-2014 სასწავლო წლის მედიცინისა და ქირურგიის ინგლისურენოვან სამაგისტრო ერთიანი ციკლის კურსზე ჩასარიცხად.

     აღნიშნული კურსის გავლა შესაძლებელია შემდეგ სასწავლებლებში:

• ბარის უნივერსიტეტი „ალდო მორო“;
• ნეაპოლის მეორე უნივერსიტეტი;
• მილანის უნივერსიტეტი;
• პავიას უნივერსიტეტი;
• რომის უნივერსიტეტი;
• რომის უნივერსიტეტი „ლა საპიენცა“;
• რომის უნივერსიტეტი „ტორ ვერგატა“.

    გამოცდის ჩაბარების ადგილი, ტესტირების საათები (როგორც იტალიაში, ასევე საზღვარგარეთ) და ადგილების რაოდენობა მითითებულია იტალიის  განათლების უნივერსიტეტებისა და კვლევის სამინისტროს 2013 წლის 14 თებერვლის ბრძანებაში (#109). აღნიშნული ინფორმაცია ხელმისაწვდომია შემდეგ ვეგვერდზე: http://www.consregsardegna.it/resoconti/resoconto.asp?idverbale=140193

   გამოცდაში მონაწილეობის მისაღებად რეგისტრაცია ხორციელდება ელექტრონულად „უნივერსიტალის“ (Universitaly) ინტერნეტ პორტალზე შემდეგ ვებ მისამართზე: http://www.universitaly.it/index.php/students/IMATregistration რეგისტრაციის ბოლო ვადაა 2013 წლის 20 მარტი.