FLEX-ის პროგრამა საქართველოს ზოგადსაგანმანათლებლო სკოლების მოსწავლეებისათვის

საერთაშორისო განათლების ამერიკული საბჭოები აცხადებს FLEX პროგრამის 26-ე შესარჩევ კონკურსს. პროგრამაში მონაწილეობა შეუძლია ყველა ზოგადსაგანმანათლებლო დაწესებულების მე-9, მე-10 და მე-11 კლასის, 2002 წლის 1 იანვრიდან 2004 წლის 16 ივლისამდე დაბადებულ მოსწავლეს, რომელსაც ბოლო 5 წლის მანძილზე არ უცხოვრია აშშ-ში 3 თვით ან მეტი ხნის განმავლობაში, არის საქართველოს მოქალაქე და ფლობს ინგლისურ ენას, მათ შორის შეზღუდული შესაძლებლობების მქონდე მოსწავლეებს. ასაკობრივი და სასკოლო კრიტერიუმი ასეთი პირებისათვის განსხვავებულია: მე-8, მე-9, მე-10 და მე-11 კლასის 2001 წლის 15 თებერვლიდან 2004 წლის 16 ივლისამდე დაბადებული მოსწავლეები.

კონკურსი ჩატარდება წინასწარ განსაზღვრული განრიგის მიხედვით საქართველოს 11 ქალაქში მდებარე სკოლებში. (იხ. დანართი)