განათლების ხარისხის, ინოვაციების და ინკლუზიური განვითარების ხელშეწყობის პროექტი
საქართველოს განათლების, მეცნიერების, კულტურის და სპორტის სამინისტრო და მუნიციპალური განვითარების ფონდი მსოფლიო ბანკის მხარდაჭერით ახორციელებს განათლების ხარისხის, ინოვაციების და ინკლუზიური განვითარების ხელშეწყობის პროექტს. აღნიშნული პროექტი განხორციელდება მთელი ქვეყნის მაშტაბით და მოიცავს სკოლებისა და სკოლამდელი განათლების დაწესებულებების მშენებლობასა და რეაბილიტაციას. პროექტი შედგება ხუთი ძირითადი კომპონენტისგან:
- ადრეული და სკოლამდელი განათლების ხელმისაწვდომობისა და ხარისხის გაუმჯობესება;
- ზოგადი განათლების სწავლებისა და სწავლის ხარისხის გაუმჯობესება;
- უმაღლესი განათლების დაფინანსებისა და ხარისხის უზრუნველყოფის სისტემის გაუმჯობესება;
- დაინტერესებული მხარეების ჩართულობის ხელშეწყობა განათლების რეფორმაში
- პროექტის მართვა და მონიტორინგი
აღნიშნული პროექტის ფარგლებში მომზადდა განსახლების პოლიტიკის და გარემოსდაცვითი და სოციალური მართვის ჩარჩო დოკუმენტები მუნიციპალური განვითარების ფონდისა და განათლების, მეცნიერების, კულტურისა და სპორტის სამინისტროს მიერ.
