ცნობიერების ამაღლების კამპანია - „მე ვირჩევ თანასწორობას“
ევროპის საბჭოს საქართველოს ოფისმა პროექტის - „დისკრიმინაციის, სიძულვილის ენისა და სიძულვილით მოტივირებული დანაშაულის წინააღმდეგ ბრძოლა“ ფარგლებში, ცნობიერების ამაღლების კამპანია - „მე ვირჩევ თანასწორობას“ დაიწყო.
გახსნის ღონისძიებაზე, განათლების, მეცნიერების, კულტურისა და სპორტის მინისტრის მოადგილე, ნათია ზედგინიძემ თავის მიმართვაში აღნიშნა, რომ სამინისტროს ერთ-ერთი პრიორიტეტია საქართველოში მცხოვრები ეთნიკური უმცირესობებისთვის უწყვეტი და ხარისხიანი განათლების ხელმისაწვდომობის და ტოლერანტული გარემოს უზრუნველყოფა, სახელმწიფო ენის ცოდნის გაუმჯობესება, მათ საჭიროებებზე მორგებული საგანმანათლებლო პროგრამების შექმნა და ეთნიკურ უმცირესობათა კულტურის შენარჩუნება.
