შემოქმედებითი და კულტურული ინდუსტრიების ახალგაზრდული ფორუმი
საქართველოს განათლების, მეცნიერების, კულტურისა და სპორტის სამინისტროს მხარდაჭერით, ბრიტანული სეზონი 2019-ის ფარგლებში, პირველად საქართველოში 15 და 16 ოქტომბერს შემოქმედებითი და კულტურული ინდუსტრიების ახალგაზრდული ფორუმი ტარდება.
ფორუმი საქართველოს განათლების, მეცნიერების, კულტურისა და სპორტის მინისტრის მოადგილე ლევან ხარატიშვილმა, საქართველოში ბრიტანეთის ელჩმა ჯასთინ მაქენზი სმითმა და ბრიტანეთის საბჭოს დირექტორმა ზაზა ფურცელაძემ გახსნეს.
შემოქმედებითი და კულტურული ინდუსტრიების ახალგაზრდული ფორუმში მონაწილეობენ ბრიტანეთის შემქმედებითი ინდუსტრიის სხვადასხვა სექტორის წარმომადგენლები, ახალგაზრდა მეწარმეები და სტუდენტები საქართველოდან. ჩატარდება საპანელო დისკუსიები, ასევე ოთხი ვორკშოპი დარგის აქტუალურ თემებზე. ფორუმის ფარგლებში გაიმართება ბრიტანული ინოვაციების ფონდის NESTA-ს ვორკშოპის „შემოქმედებითი მეწარმეობის პროგრამა“ გამარჯვებულების პრეზენტაციით გამოსვლა და დაჯილდოვება.
ფორუმის მიზანია კულტურული და შემოქმედებითი ინდუსტრიების (CCIs) არსის შესახებ საერთო ცოდნის შექმნა და კულტურისა და შემოქმედებითი სექტორის როლის ხაზგასმა ეკონომიკური და სოცილური ინდუსტრიის, ახალგაზრდა შემოქმედებითი მეწარმეების პროფესიული უნარების და დასაქმების განვითარებაში.
ბრიტანული სეზონი UK/Georgia 2019 ბრიტანეთის საელჩოსა და ბრიტანეთის საბჭოს მიერ ერთობლივად შემუშავებულ, 60-ზე მეტი ღონისძიებისგან შემდგარ სპეციალურ პროგრამას წარმოადგენს. პროგრამა 2019 წლის სექტემბრიდან დეკემბრის ჩათვლით ხორციელდება.
