კულტურული მარშრუტების პროგრამის პრეზენტაცია
სტრასბურგში, ევროპის საბჭოს ადგილობრივი და რეგიონული ხელისუფლების კონგრესის 37-ე სესიაზე "კულტურა საზღვრების გარეშე", სიტყვით წარდგა საქართველოს განათლების, მეცნიერების, კულტურისა და სპორტის მინისტრის მოადგილე ლევან ხარატიშვილი, რომელიც 2019 წლის აპრილში არჩეულ იქნა ევროპის საბჭოს კულტურული მარშრუტების გაფართოებული წილობრივი შეთანხმების მმართველი საბჭოს თავმჯდომარის მოადგილედ.
ლევან ხარატიშვილმა დეტალურად ისაუბრა ევროპის საბჭოს პროგრამის შესახებ, კერძოდ გაფართოებულ წილობრივ შეთანხმებაში გაწევრიანებული ქვეყნების აქტივობებზე, სერტიფიცირების კრიტერიუმებზე, 2019 წელს სერტიფიცირებულ მარშრუტებზე, კულტურული მარშრუტების მდგრად განვითარებასა და მათ გავლენაზე ცალკეული ქვეყნების ეკონომიკურ ზრდაზე, ადგილობრივი ხელისუფლებების ჩართულობასა და სხვა მნიშვნელოვან ასპექტებზე.
ლევან ხარატიშვილმა ცალკე გამოყო კულტურული მარშრუტების ხელშეწყობისათვის საქართველოში გადადგმული ნაბიჯები, ინოვაციური პროექტები და ღონისძიებები. სიტყვით გამოსვლისას, მინისტრის მოადგილემ კულტურული მარშრუტების, როგორც ისტორიის თხრობის მნიშვნელოვან ინსტრუმენტზე გაამახვილა ყურადღება.
