მიხეილ ჩხენკელი ღრმა მწუხარებას გამთქვამს ბატონი ჯანო ბაგრატიონის გარდაცვალების გამო
საქართველოს განათლებისა და მეცნიერების მინისტრი მიხეილ ჩხენკელი მწუხარებას გამოთქვამს ცნობილი ქართველი ხელბურთელის, მწვრთნელის, სპორტის მოღვაწისა და პედაგოგის ჯანო ბაგრატიონის გარდაცვალების გამო და უსამძიმრებს გარდაცვლილის ოჯახის წევრებს, მეგობრებსა და სრულიად საქართველოს.
მიხეილ ჩხენკელი: „ღრმა მწუხარებას გამოვთქვამ ცნობილი ქართველი ხელბურთელის, მწვრთნელის, სპორტის მოღვაწისა და პედაგოგის ჯანო ბაგრატიონის გარდაცვალების გამო და ვუსამძიმრებ გარდაცვლილის ოჯახის წევრებს, მეგობრებსა და კოლეგებს.
ბატონი ჯანოს გარდაცვალება ნამდვილად უდიდესი დანაკლისია სრულიად საქართველოსთვის. ის გახლდათ ღირსების ორდენის კავალერი, საქართველოს დამსახურებული მწვრთნელი, საქართველოს ოლიმპიური კომიტეტის ორდენოსანი და ვახტანგ გორგასლის სახელობის ორდენის კავალერი, მიღებული ჰქონდა საერთაშორისო ოლიმპიური კომიტეტის ორდენი.
ფასდაუდებელია ბატონი ჯანო ბაგრატიონის, როგორც პედაგოგის, ღვაწლი ახალგაზრდა თაობებში ჯანსაღი ცხოვრების წესის დამკვიდრების საქმეში. ათწლეულების განმავლობაში ის ერთგულად და თავდაუზოგავად ემსახურებოდა ახალგაზრდა სპორტსმენთა აღზრდას.“
