განათლების, მეცნიერებისა და ახალგაზრდობის მინისტრის მოადგილე მალავის რესპუბლიკის საპარლამენტო დელეგაციას შეხვდა
საქართველოს განათლების, მეცნიერებისა და ახალგაზრდობის მინისტრის მოადგილემ ნოდარ პაპუკაშვილმა მალავის რესპუბლიკის საპარლამენტო დელეგაციას უმასპინძლა, რომელსაც აღმოსავლეთ და სამხრეთ აფრიკის საპარლამენტო ჯგუფის პრეზიდენტი დოქტორი ბენ მალუნგა ფირი ხელმძღვანელობდა.
ნოდარ პაპუკაშვილმა მალავის მხარეს განათლების ყველა საფეხურზე მიმდინარე რეფორმები გააცნო, განსაკუთრებული ყურადღება კი, პროფესიული განათლების განვითარების ხელშეწყობის მიზნით გადადგმულ ნაბიჯებზე გაამახვილა.
შეხვედრის ფარგლებში მხარეებმა ორ ქვეყანას შორის თანამშრომლობის გაღრმავების პერსპექტივები და ერთობლივი პროექტების განხორციელების საკითხები განიხილეს, მათ შორის, მალავის სტუდენტებისთვის საქართველოში განათლების მიღების შესაძლებლობაზე იმსჯელეს.
შეხვედრის დასასრულს დელეგაციის წარმომადგენლებმა დადებითად შეაფასეს საქართველოში განხორციელებული საგანმანათლებლო პროექტები და ქართულ მხარესთან თანამშრომლობის გაფართოების მზაობა გამოთქვეს.
