საგანმანათლებლო რესურცენტრის უფროსის თანამდებობებზე კონკურსი გამოცხადდა
საქართველოს განათლების, მეცნიერებისა და ახალგაზრდობის სამინისტრო აცხადებს კონკურსს ტერიტორიული ორგანოს − ბაღდათის, საჩხერის, ამბროლაურის, ლენტეხის, ჩხოროწყუს, ხობის, ახალქალაქის, თელავის, ხაშურის, ლანჩხუთის, გარდაბნის, სენაკისა და მესტიის საგანმანათლებლო რესურსცენტრის უფროსის თანამდებობებზე.
საგანმანათლებლო რესურსცენტრის უფროსის 13 ვაკანტურ თანამდებობაზე გამოცხადებულ ღია კონკურსში მონაწილეობა შეუძლია საქართველოს მოქალაქეობის მქონე პირს, რომელიც ფლობს სახელმწიფო ენას და აქვს:
- უმაღლესი განათლების დამადასტურებელი სახელმწიფო დოკუმენტი;
- განათლების სფეროში მუშაობის არანაკლებ 2-წლიანი გამოცდილება.
კონკურსის ფარგლებში განაცხადების მიღება დაიწყო 2024 წლის 18 ივლისიდან და 27 ივლისის ჩათვლით გაგრძელდება. ვაკანსიების შესახებ დეტალური ინფორმაცია გამოქვეყნდება ვებგვერდზე: https://hr.gov.ge
კონკურსი 2 ეტაპად ჩატარდება:
- პირველი ეტაპი – კონკურსში მონაწილეობისათვის წარდგენილი განაცხადების ძირითად ფორმალურ მოთხოვნებთან შესაბამისობის დადგენა;
- მეორე ეტაპი – გასაუბრება.
რესურსცენტრის უფროსობის კანდიდატი, კონკურსის პირველი ეტაპის წარმატებით გადალახვის შემდეგ, გასაუბრებას გაივლის მინისტრის ინდივიდუალური ადმინისტრაციულ-სამართლებრივი აქტით შექმნილ კომისიასთან.
გასაუბრების შესახებ ინფორმაცია თითოეულ კანდიდატს ინდივიდუალურად ეცნობება.
