გივი მიქანაძის ხელმძღვანელობით კოლეჯების დირექტორთა საბჭოს მორიგი სხდომა გაიმართა
საქართველოს განათლების, მეცნიერებისა და ახალგაზრდობის მინისტრის გივი მიქანაძის ხელმძღვანელობით, კახეთის რეგიონში კოლეჯ „პრესტიჟში” სახელმწიფო პროფესიული საგანმანათლებლო დაწესებულებების დირექტორთა საბჭოს სხდომა გაიმართა.
მინისტრმა შეხვედრის მონაწილეებთან ერთად პროფესიული განათლების სფეროში 2025 წლის განმავლობაში განხორციელებული საქმიანობა შეაჯამა და მომავალი წლის პრიორიტეტები განსაზღვრა.
შეხვედრის ფარგლებში, ყურადღება გამახვილდა ისეთ მნიშვნელოვან საკითხზე როგორიცაა სახელმწიფოს მიერ ან მისი მონაწილეობით დაფუძნებული საგანმანათლებლო დაწესებულების მიერ ეკონომიკური საქმიანობის განხორციელება.
შეხვედრა კითხვა-პასუხის რეჟიმში წარიმართა და მონაწილეებს შესაძლებლობა ჰქონდათ, მათთვის საინტერესო თემებზე მინისტრისგან მიეღოთ დეტალური ინფორმაცია.
მინისტრის გადაწყვეტილებით, საბჭოს სხდომა პერმანენტულად იმართება და თითოეულ შეხვედრაზე წევრები ეტაპობრივად განიხილავენ ყველა იმ ინიციატივას, რომელიც პროფესიული განათლების სისტემის გაძლიერებას, სტუდენტების შესაძლებლობების გაფართოებას და ქვეყნის ეკონომიკურ განვითარებას ემსახურება.
შეხვედრას ესწრებოდნენ განათლების, მეცნიერებისა და ახალგაზრდობის მინისტრის მოადგილე ბაია კვიციანი და საქართველოს პარლამენტის წევრი ირაკლი ქადაგიშვილი.
