ბაია კვიციანმა აზიის განვითარების ბანკის მისიის წარმომადგენლებთან სამუშაო შეხვედრა გამართა
საქართველოს განათლების, მეცნიერებისა და ახალგაზრდობის მინისტრის მოადგილე ბაია კვიციანმა აზიის განვითარების ბანკის (ADB) მისიის წარმომადგენლებთან სამუშაო შეხვედრა გამართა და მათი მხარდაჭერით განხორციელებული პროექტის – „თანამედროვე უნარები უკეთესი დასაქმებისთვის“ მიმდინარეობა განიხილა.
შეხვედრაზე მხარეებმა პროექტის ფარგლებში მიმდინარე პროგრესზე და მიღწეულ შედეგებზე იმსჯელეს. ასევე, ისაუბრეს გამოწვევებსა და შესაბამის რეკომენდაციებზე, რომლებიც პროექტის წარმატებით განხორციელებას შეუწყობს ხელს.
ბაია კვიციანის თქმით, სამინისტროს აზიის განვითარების ბანკთან მრავალწლიანი, ნაყოფიერი თანამშრომლობა აკავშირებს და ერთობლივ პროექტებს დიდი წვლილი შეაქვს პროფესიული განათლების ხარისხის გაუმჯობესების, ხელმისაწვდომობის გაზრდისა და შრომის ბაზრის მოთხოვნებთან შესაბამისობის გაძლიერების პროცესში.
თავის მხრივ, აზიის ბანკის წარმომადგენლებმა დადებითად შეაფასეს არსებული პარტნიორობის დინამიკა და პროექტების განხორციელების კუთხით თანამშრომლობის გაფართოების მზაობა გამოხატეს.
