ოკუპირებულ ტერიტორიებზე მცხოვრები აბიტურიენტებისთვის სკოლისშემდგომი განათლებისთვის მომზადების პროგრამაზე განაცხადების მიღება დაიწყო
ოკუპირებულ ტერიტორიებზე მცხოვრები აბიტურიენტებისთვის სკოლისშემდგომი განათლებისთვის მომზადების პროგრამაზე განაცხადების მიღება დაიწყო. მსურველებს რეგისტრაციის გავლა 2026 წლის 5 სექტემბრის ჩათვლით შეუძლიათ.
პროგრამაში მონაწილეობის უფლება აქვთ ოკუპირებულ ტერიტორიებზე მცხოვრებ იმ პირებს, რომლებიც ბოლო ორი წლის განმავლობაში სწავლობდნენ, სრული ზოგადი განათლება მიიღეს ოკუპირებულ ტერიტორიებზე და რომელთა სრული ზოგადი განათლება საქართველოს განათლების, მეცნიერებისა და ახალგაზრდობის სამინისტროს მიერ დადგენილი წესით არის აღიარებული.
პროგრამა ბენეფიციარებს შესაძლებლობას აძლევს, აკადემიურ საგანმანათლებლო პროგრამაზე სწავლის დაწყებამდე ერთი სასწავლო წლის განმავლობაში დაეუფლონ ქართულ ენას ან გაიუმჯობესონ ქართული ენის ცოდნა. ამასთან, ისინი ქართულ ენაზე შეისწავლიან მათთვის სასურველი უმაღლესი საგანმანათლებლო პროგრამისთვის საჭირო დარგობრივ საგნებს, რაც მათ უმაღლეს განათლებაში ინტეგრაციასა და შემდგომ აკადემიურ წარმატებას შეუწყობს ხელს.
პროგრამის ფარგლებში ბენეფიციარები უზრუნველყოფილი იქნებიან სწავლის სრული დაფინანსებით, ყოველთვიური სტიპენდიითა და საცხოვრებლით.
მსურველთა განაცხადები მატერიალური ფორმით მიიღება გორის, კასპის, ქარელისა და ხაშურის მუნიციპალიტეტებში სახელმწიფო რწმუნებულის ადმინისტრაციაში (მისამართები: ქ. გორი, ფერაძის ქ. №5; ქ. თბილისი, პეტრე ქავთარაძის ჩიხი №1).
ელექტრონული ფორმით განცხადებების მიღება შესაძლებელია აფხაზეთის ავტონომიური რესპუბლიკის განათლებისა და კულტურის სამინისტროს.
