ლევან ღირსიაშვილმა სიღნაღში ღვაწლმოსილი პედაგოგები დააჯილდოვა
საქართველოს განათლების, მეცნიერებისა და ახალგაზრდობის მინისტრის პირველმა მოადგილემ ლევან ღირსიაშვილმა სიღნაღის მუნიციპალიტეტის ღვაწლმოსილი პედაგოგები დააჯილდოვა.
ღონისძიების ფარგლებში პედაგოგებს მადლობის სიგელები და სიმბოლური საჩუქრები გადაეცათ.
ლევან ღირსიაშვილმა სიტყვით გამოსვლისას ახალი თაობების აღზრდაში პედაგოგების როლზე გაამახვილა ყურადღება და მათ დაუღალავი შრომისთვის მადლობა გადაუხადა.
პედაგოგების დაჯილდოების ღონისძიებას მოწვეულ სტუმრებთან ერთად ადგილობრივი ხელისუფლების წარმომადგენლებიც ესწრებოდნენ.
საქართველოს განათლების, მეცნიერებისა და ახალგაზრდობის მინისტრის ინიციატივით, მასწავლებლის ეროვნული პრემიის ფარგლებში, ღვაწლმოსილ პედაგოგთა დაჯილდოება ყველა რეგიონში 10 ოქტომბრის ჩათვლით გაიმართება. დასკვნითი ღონისძიება კი 27 ოქტომბერს თბილისის ოპერისა და ბალეტის თეატრში ჩატარდება.
