გიორგი ჩახნაშვილი ბათუმის საზღვაო აკადემიას ეწვია

ბათუმის საზღვაო აკადემია საქართველოში ერთადერთი    უმაღლესი საზღვაო სასწავლებელია, სადაც პროფესიულ, საბაკალავრო და სამაგისტრო პროგრამებზე 1621  სტუდენტი  სწავლობს.

2006 წელს პრეზიდენტის ნაციონალური პროგრამის „უმაღლესი სასწავლებლის რეაბილიტაცია“ ფარგლებში, განათლებისა და მეცნიერების სამინისტროს მიერ გამოყოფილი თანხებით (670000 ლარი) აკადემიაში  თანამედროვე ტიპის საერთაშორისო სტანდარტის შესაბამისი საზღვაო სასწავლო საწვრთნელ-ტრენაჟორული ცენტრი ამოქმედდა. შეძენილ იქნა 5530 ლარის ინვენტარი,  119610 ლარის კომპიუტერული ტექნიკა და 78584 ლარით შესრულდა ბიბლიოთეკის  გაფართოების სამუშაოები. აკადემიამ სამინისტროს ეროვნული სამეცნიერო ფონდის მიერ     გამოცხადებულ საგრანტო კონკურსში 18840 ლარის ოდენობის  გრანტი  მოიპოვა და უახლესი საზღვაო კონვენციური, სახელმძღვანელო და სამეცნიერო ლიტერატურით შეავსო ბიბლიოთეკა.

გიორგი ჩახნაშვილის განცხადებით, ძალზე მნიშვნელოვანია უმაღლესი სასწავლო დაწესებულებათა ინფრასტრუქტურის, ტექნიკური და მატერიალური აღჭურვილობის თანამედროვე ევროპულ სტანდარტებთან თავსებადობა, ყოველივე ეს, განახლებულ სასწავლო პროგრამებთან ერთად, უზრუნველყოფს ხარისხიანი უმაღლესი განათლების მიღებას.