კონკურსში ,,The Best Linguist” გამარჯვებულები გამოვლინდნენ

ქუთაისის №17 საჯარო სკოლაში 2010 წლის 19 აპრილს ჩატარდა კონკურსის "The Best Linguist” მესამე დასკვნითი  ტური, რომელშიც მონაწილეობა 56-მა კონკურსანტმა მიიღო. კონკურსის მიმდინარეობასა და მსვლელობას აკვირდებოდა და დაჯილდოების ცერემონიალში მონაწილეობა მიიღო: საქართველოში ამერიკის შეერთებული შტატების საელჩოს კულტურის ატაშემ ბატონმა საულ ჰერნანდესმა, საქართველოს განათლებისა და მეცნიერების სამინისტროს ქუთაისის საგანმანათლებლო რესურსცენტრის უფროსმა ბატონმა ვლადიმერ პატარიძემ, ქუთაისის ვიცე-მერმა ბატონმა დავით გორდელაძემ, აკაკი წერეთლის სახელმწიფო უნივერსიტეტის ინგლისური ენისა და ლიტერატურის დეპარტამენტის ხელმძღვანელმა ქალბატონმა ეკა თოფურიამ, პროფესორ-მასწავლებლებმა, პედაგოგიურმა საზოგადოებამ. გამოვლინდა  სამი საუკეთესო ,,ლინგვისტი”:

• ქუთაისის № 3 საჯარო სკოლის VI კლასის მოსწავლე გურამ ჭელიძე;
• ქობულეთის № 2 საჯარო სკოლის VII კლასის მოსწავლე ჯიმშერ გოგიტიძე;
• ბათუმის სკოლა-ლიცეუმ "მასტერ-კლასი”-ს VIII  კლასის მოსწავლე მარიტა დოლიძე.