გამოწვევები 2010 –2011 წლებში

საქართველოს განათლების და მეცნიერების სამინისტროს წინაშე არსებული გამოწვევები 2010 –2011 წლებში

საქართველოს პრეზიდენტი მიხეილ სააკაშვილი ბათუმის №3 საჯარო სკოლაში აჭარის რეგიონის პედაგოგებსა და მოსწავლეებს შეხვდა და იმ სიახლეებზე ესაუბრა რაც  2010-2011  წლებში განათლების სისტემაში  განხორციელდება.

1.    მოსწავლეთა მაღალი დასწრების უზრუნველყოფა სკოლებში

• სასკოლო ატესტატის მნიშვნელობის გაზრდა;
• 2011 წელს გამოცდებში 10 ძირითად სავალდებულო საგანში მინიმალური კომპეტენციის ჩაბარება ეროვნულ საგამოცდო ცენტრებში სასკოლო ატესტატის მისაღებად. მათ შორის კომპიუტერში, მათემატიკასა და ფიზიკაში;
• სკოლაში დასწრება როგორც შეფასების ერთ–ერთი სავალდებულო კომპონენტი;
• სკოლებში მოსწავლეთა თვითმმართველობის შექმნა და განვითარება;
• სასკოლო ოლიმპიადების ხელშეწყობა და შემდგომი განვითარება;

2.    მასწავლებელთა პროფესიული დონის ამაღლება

• პედაგოგთა ნებაყოფლობითი სერთიფიცირების დაწყება 2010 წლის ივლისში;
• მხოლოდ სერთიფიცირებული მასწავლებლებისთვის ხელფასის მომატება;
• პედაგოგთა კვალიფიკაციის ამაღლების ხელშეწყობა სახელმწიფოს მხრიდან;
• მენტორ მასწავლებელთა (მასწავლებლები, რომლებიც ასწავლიან სტაჟიორებს) ინსტიტუტის გაძლიერება;

3.    ინფრასტრუქტურის გაუმჯობესება

• ადგილობრივი ხელისუფლების ჩართვა ინფრასტრუქტურის განვითარებასა და სკოლების რეაბილიტაციაში (აჭარის წარმატებული მაგალითი);
• 20 მილიონის გადაცემა ცენტრალური ბიუჯეტიდან ადგილობრივ ბიუჯეტში სკოლების რეაბილიტაციისთვის;
• სასკოლო სასადილოების მოწყობა აუთსორსინგის მექანიზმით
• ბიბლიოთეკების და ლაბორატორიების მოწყობა;

4.    ეროვნული სასწავლო გეგმის დახვეწა

• ფიზკულტურის გაკვეთილების შეცვლა სპორტის გაკვეთილებით;
• კომპიუტერის გაკვეთილების დანერგვა სკოლებში(დღეს კომპიუტერის კლასები მუზეუმების ფუნქციას ასრულებენ);
• კულტუროლოგიის დისციპლინის შემოღება;
• სამხედრო–პატრიოტული სწავლების დანერგვა;

5.    სასკოლო გამოცემების ერთიანი სტანდარტების შექმნა

• სახელმძღვანელოების გრიფირების წესის გამკაცრება;
• სასკოლო გამოცემების სტანდარტების შექმნა;
• სასკოლო სახელმძღვანელოების ღირებულების დაკლება და ხშირი შეცვლის აკრძალვა;

6.    უსაფრთხო სკოლის კონცეფციის დანერგვა და განვითარება

• სასკოლო მანდატურების  ინსტიტუტის შექმნა;
• სკოლების სამ საფეხურად დაყოფის პროცესის დაწყება დიდ ქალაქებში;
• მოსწავლის საკრედიტო ბარათების შემოღება და ფულის აკრძალვა სკოლებში;