სამუშაო შეხვედრა პირველი კლასის ქართული ენის სახელმძღვანელოებთან დაკავშირებით

საქართველოს განათლებისა და მეცნიერების მინისტრის ინიციატივით, პირველი კლასის ქართული ენის სახელმძღვანელოებთან დაკავშირებულ საკითხებზე სამუშაო შეხვედრა გაიმართა.

შეხვედრაზე მოწვეულნი იყვნენ როგორც სამეცნიერო წრეების ღვაწლმოსილი წარმომადგენლები, ასევე სკოლების დირექტორები, პედაგოგები, განათლების ექსპერტები და სპეციალისტები. სამინისტროს მხრიდან შეხვედრას საქართველოს განათლებისა და მეცნიერების მინისტრის მოადგილე,  ბ-ნი ნოდარ სურგულაძე, ეროვნული სასწავლო გეგმებისა და შეფასების ცენტრის დირექტორი, ქ-ნი ნათია ჯოხაძე, ამავე ცენტრის ჰუმანიტარული მიმართულების თანამშრომლები ესწრებოდნენ.