დიმიტრი შაშკინი ბიზნესმენებსა და ბანკირებს შეხვდა
შეხვედრაზე დიმიტრი შაშკინმა ბანკების: თი-ბი-სი, საქართველოს ბანკი, ვითიბი ბანკი, პროკრედიტ ბანკი, ბანკი რესპუბლიკა, ტაო პრივატ ბანკი, ლიბერტი ბანკი, ასევე კომპანიების: მაგთიკომი, ჯეოსელი, ბილაინი, კოკა-კოლა, პოპული, გუდვილი, მეგა-ფუდი, გოგლი-მოგლი, ჯი-ემ- სი ჯგუფი, იოლი, ჯი-მარტი ხელმძღვანელებსა და წარმომადგენლებს პრეზიდენტის მიერ ინიცირებული უსაფრთხო და ჯანსაღი სკოლის კონცეფციის ფარგლებში, სასკოლო სასადილოების მოწყობის პროექტი წარუდგინა და მის განხორციელებაში მხადაჭერა სთხოვა.
კომპანია გოგლი-მოგლისა და ტაოპრივატ ბანკის დახმარებით თბილისის 55-ე და 43-ე საჯარო სკოლებში უკვე მოხდა თანამედროვე სტანდარტების შესაბამისი სასკოლო სასადილოების მოწყობა. ახალი სასწავლო წლიდან კი, პირველ ეტაზე, პროექტი 88 სკოლაში ამოქმედდება. სასკოლო სასადილოების მოწყობის მიზნით, გამოცხადდა ტენდერი, რომელშიც მონაწილეობა და სასკოლო ინფრასტრუქტურის გაუმჯობესების საკითხში საკუთარი წვლილის შეტანა ყველა მსურველ კომპანიას შეეძლება.
ახალი ტიპის სასადილოებში ბავშვები ახალი და ჯანსაღი პროდუქტით იქნებიან უზრუნველყოფილნი, მოხდება სასკოლო გარემოდან ნაღდი ფულის ამოღება და სკოლის სასადილოში მოსწავლეები პირადი ელექტრონული ბარათებით მოახდენენ ანგარიშსწორებას.
