სამინისტროში გერმანული დუალური პროფესიული სწავლების მოდელზე იმსჯელეს
შეხვედრა მიზნად ისახავდა საქართველოში პროფესიული განათლების სისტემის გაცნობას და სფეროს განვითარებასთან დაკავშირებული გამოწვევების განხილვას შემდგომში რეფორმის მხარდაჭერის მიზნით . შეხვედრაზე განხილულ იქნა ასევე გერმანული დუალური პროფესიული განათლების მოდელი, რომელიც შრომით ბაზარზე პრაქტიკულად მორგებულ მიდგომას წარმოადგენს დადამსაქმებლის მონაწილეობით პარალელურ რეჟიმში თეორიული და პრაქტიკული ცოდნა-უნარების დაუფლების საშუალებას იძლევა. სამინისტროში გამართულ შეხვედრაზე სწორედ, საქართველოს პროფესიული განათლების სისტემაში გერმანული დუალური მოდელის ელემენტების დანერგვის პერსპექტივებს შეეხო საუბარი.
ბატონმა ფაისტმა ხაზგასმით აღნიშნა საერთაშორისო მობილობის მნიშვნელობა პროფესიული განათლების იმიჯის ფორმირებისა და ხარისხის განვითარებისთვის. იგი მიიჩნევს, რომ არსებითად მნიშვნელოვანია შეიქმნას კვალიფიკაციების აღიარებისა და თანაბარ სიბრტყეზე განხილვის ისეთივე ევროპული პლატფორმა, როგორიც უმაღლესი განათლების შემთხვევაში ბოლონიის პროცესია და რომელიც პროფესიულ განათლებას ფართო შესაძლებლობებს გაუხსნის.
ქეთევან ნატრიაშვილის განცხადებით, ეს იყო კონსტრუქციული და სასარგებლო შეხვედრა, საუბარი შეეხო უფრო მჭიდრო თანამშრომლობას გერმანულ მხარესთან, რაც პროფესიული სტუდენტებისა და პედაგოგების გაცვლას, ორმხრივი პროექტების ამოქმედებას გულისხმობს. თანამშრომლობის თემაზე მსჯელობა მომავალშიც გაგრძელდება.
რაც შეეხება კონკრეტულად გერმანულ დუალური პროფესიული სწავლების მოდელს, უფრო და უფრო მეტი ქვეყანა ცდილობს ამ მიდგომის დანერგვას, რადგან გერმანულენოვანი ქვეყნების გამოცდილებამ ცხადყო, რომ ამ ფორმით მიღებული პროფესიული განათლებახელს უწყობს სტაბილური სამუშაო ადგილების შექმნას, განათლების ხარისხის განვითარებას დაუწყვეტი განათლების პრინციპის განხორციელებას.
განათლებისა და მეცნიერების სამინისტროსთვის მიესალმება გერმანული მხარის მიერ გამოთქმულ პროფესიული განათლების განვითარების მხარდაჭერის ინიციატივას პროფესიული განათლების რეფორმირებისას გერმანული გამოცდილების გაზიარება ხელს შეუწყობს საქართველოს განვითარებასარა მხოლოდ ეკონომიკური თვალსაზრისით, არამედ ევროპულ ბაზართან დაახლოების კუთხითაც, რაც ევროკავშირთან ასოცირების შეთანხმების ერთ- ერთი პრიორიტეტს წარმოადგენს.
