განათლების სისტემის თანამშრომელთა ტრენინგი და საკოორდინაციო შეხვედრა გაიმართა
სამოქმედო გეგმის ნაწილი მოიცავს ისეთ მნიშვნელოვან საკითხებს, როგორიცაა თანამედროვე ტექნოლოგიების დანერგვა პროფესიულ განათლებაში, დუალური განათლების კომპონენტების პილოტირება და ა.შ. შეხვედრაზე ასევე განხორციელდა სამოქმედო გეგმის მონიტორინგი და შეფასება, რაც აუცილებელია, რათა განისაზღვროს კონკრეტული აქტივობების განხორციელების ეფექტურობა.
ევროკავშირთან ასოცირების ხელშეკრულების ხელმოწერით, საქართველოს რიგი ვალდებულებები დაეკისრა, ერთ-ერთი ასეთი ვალდებულება პროფესიულ განათლებას უკავშირდება. კერძოდ, უნდა მოხდეს პროფესიული განათლების მორგება და დაახლოება თანამედროვე ევროპულ სტანდარტებთან. ამ კუთხით, 2015 წელი მნიშვნელოვანი იქნება, რადგან პროფესიული განათლების განვითარების სამოქმედო გეგმა არის ძალიან დატვირთული და მრავალპუნქტიანი, მისი ეფექტური განხორციელებისთვის საჭიროა სხვადასხვა უწყებების აქტიური ჩართულობა, ასევე უმნიშვნელოვანესია დონორი ორგანიზაციების მხარდაჭერა და დახმარება.
