ბავშვზე ძალადობის პრევენციის მიზნით პროექტი ხორციელდება
საქართველოს განათლებისა და მეცნიერების სამინისტროს საგანმანათლებლო დაწესებულების მანდატურის სამსახურის ფსიქოლოგიური მომსახურების ცენტრი ახორციელებს პროექტს „ბავშვთა მიმართ ძალადობა – გადამისამართების პროცედურები ბავშვის დაცვის საჭიროების შემთხვევებში“.
პროექტი გრძელვადიანია და მის მთავარ მიზანს წარმოადგენს ბავშვზე ძალადობის შემთხვევების ამოცნობა, მათზე რეაგირება, გადამისამართება (რეფერირება) და ბავშვზე ძალადობის პრევენცია. სამიზნე ჯგუფები არიან მანდატურები და იმ სკოლების დირექტორები და მოადგილეები, სადაც მანდატურის სამსახური არ არის წარმოდგენილი.
ფსიქოლოგიური მომსახურების ცენტრის მიერ უკვე გადამზადდა თბილისისა და საქართველოს რეგიონების 1700-მდე მანდატური. ამ ეტაპზე მიმდინარეობს მცხეთა-მთიანეთის და შიდა ქართლის სკოლების ადმინისტრაციის წარმომადგენლების გადამზადება.
პროექტი ხორციელდება “საქართველოს საზოგადოებრივი ჯანდაცვის ფონდის“ ხელშეწყობით.
