„სპექტრის“ სტუდენტებმა ბიბლიოთეკის რეაბილიტაცია დაასრულეს

ბიბლიოთეკისათვის განკუთვნილ ინვენტარსა და ინფრასტრუქტურაზე კოლეჯის პროფესიულმა სტუდენტებმა იმუშავეს. ბიბლიოთეკაში დამონტაჟებულია პროექტორი და ხმის აპარატურა.

ბიბლიოთეკის განახლება კოლეჯის ინიციატივით განხორციელდა და მიზნად ისახავს სტუდენტებისა და პედაგოგებისათვის სასიამოვნო გარემოს შექმნას, ნებისმიერი ინფორმაციის ხელმისაწვდომობას და სსსმ/შშმ პირებისათვის სოციალურ ინტეგრირებას.

აღსანიშნავია, რომ თამარ სანიკიძის მხარდაჭერით, ახალი ბიბლიოთეკის სერვისმენეჯერი კოლეჯის კურსდამთავრებული, ეტლით მოსარგებლე დიანა ჯიშიაშვილი იქნება. დიანამ სპექტრში ქსელური სისტემების ტექნიკოსის სპეციალობა შეისწავლა და ვებგვერდის ადმინისტრატორის ფუნქციასაც ითავსებს. დიანასათვის და ყველა შშმ პირისთვის კოლეჯში სპეციალური საგანმანათლებლო პირობებია უზრუნველყოფილი.