„Microsoft-ის ინოვაციები უმაღლეს განათლებაში 2015
მეცნიერებისა და ინოვაციების კვირეულის ფარგლებში საქართველოს განათლებისა და მეცნიერების მინისტრის მოადგფილემ თამაზ მარსაგიშვილმა კონფერენცია გახსნა თემაზე: „Microsoft-ის ინოვაციები უმაღლეს განათლებაში 2015“.
კონფერენციაზე, რომელშიც მოწვეულ სტუმრებთან ერთად, რექტორები, კანცლერები, ხარისხის მართვის მენეჯერები, ტექნიკური მენეჯერები და ზოგადად, უნივერსიტეტების მმართველი, გადაწყვეტილების მიმღები პირები მონაწილეობდნენ საუბარი იყო თანამედროვე ტექნოლოგიებზე.
რამდენიმე მიმართულებით წარმოდგენილი იყო პრეზენტაციები მათთვის, ვისთვისაც ტექნოლოგიები წარმოადგენს ინსტრუმენტს განათლებაში ეფექტური ცვლილების განსახორციელებლად. პარტნიორებთან ერთად, კომპანიის წარმომადგენლებმა ისაუბრეს უახლეს ტექნოლოგიებსა და საგანმანათლებლო პროგრამებზე მსოფლიოს წარმატებული ინტეგრაციების მაგალითებით. საუბარი შეეხო ასევე თუ რა სტრატეგიები არსებობს თანამედროვე განათლებაში ტექნოლოგიების დანერგვის მიმართულებით და რა შესაძლებლობები ქართული უნივერსიტეტებისთვის.
Microsoft-ი, რომელიც პროგრამული უზრუნველყოფისა და სერვისების მწარმოებელ ლიდერ კომპანიას წარმოადგენს, საგანმანათლებლო ინსტიტუციებთან აქტიურად თანამშრომლობს მსოფლიოს მასშტაბით. სწორედ Microsoft-ის და მისი პარტნიორების მიერ განვითარებული ინოვაციური მიდგომები ხელს უწყობს ინსტიტუციური ეფექტურობის ზრდას ათიათასობით საგანმანათლებლო ორგანიზაციაში სწავლების, კვლევისა თუ ადმინისტრირების პროცესების მიმართულებით.
