ქართული ეთნოგრაფიული სამოსის გამოფენა გაიმართა
„ქართული ეთნოგრაფიული სამოსის“ გამოფენაზე წარმოდგენილია ეროვნული სამოსი და შესაბამისი აქსესუარები, რომელიც შექმნილია პროფესიული სტუდენტების მიერ პროფესიული მასწავლებლების აქტიური ჩართულობით. გამოფენაში მონაწილეობას ცხრა პროფესიული კოლეჯის სტუდენტები იღებენ.
პროფესიული განათლების რეფორმის სტრატეგიის სამოქმედო გეგმის ფარგლებში, 2014 წელს განხორციელდა ადამიანური შესაძლებლობების გაძლიერებაზე ორიენტირებული აქტივობა - პროფესიულ სტუდენტთა და მასწავლებელთა ტრენინგები, ეროვნული სამოსის/ აქსესუარების დამზადებისა და საგამოფენო სივრცეში განთავსების საკითხებზე.
პროექტის ფარგლებში, მიგრაციის საერთაშორისო ორგანიზაციამ (IOM) მოიწვია გერმანიის ფედერაციული რესპუბლიკის, ქ. ბონის ბეთჰოვენის მუზეუმის ხელოვნებათმცოდნე და გიდი, ნინო მიუთნიხი, რომელმაც უზრუნველყო შესაბამისი ტრენინგების ჩატარება და საგამოფენო სივრცის ორგანიზებაზე ორიენტირებული სემინარების განხორციელება.
