ვიდეორგოლების კონკურსი „თანამედროვე გმირები“

კონკურსის ფარგლებში, მოსწავლეებმა მოამზადეს ვიდეორეპორტაჟები 2008 წლის 8 აგვისტოს ომის გმირების შესახებ, სადაც მათ  გამოხატეს თავიანთი დამოკიდებულება აგვისტოს ომის გმირების მიმართ.

დღეს, საქართველოს განათლებისა და მეცნიერების მინისტრის მოადგილემ ლია გიგაურმა, საქართველოს შეიარაღებული ძალების გენერალური შტაბის უფროსის მოადგილემ პოლკოვნიკმა რომან ჯოხაძემ და დავით აღმაშენებელის სახელობის საქართველოს ეროვნული თავდაცვის აკადემიის რექტორის მოვალეობის შემსრულებელმა  პოლკოვნიკმა მალხაზ მაკარაძემ გამარჯვებული მოსწავლეები და მათი პედაგოგები დააჯილდოვეს.

კონკურსის „თანამედროვე გმირები“ გამარჯვებულები არიან:

I ადგილი :  გორის N11 საჯარო სკოლის X კლასის მოსწავლეები - ლიკა ვანიშვილი და  ნათია მაზმიშვილი, მათ გადაეცათ 600 ლარის ღირებულების კომპიუტერული ტექნიკისა და აქსესუარების სასაჩუქრე ბარათი და დიპლომები;

II ადგილი:  წმინდა კეთილმსახური მეფე თამარის სახელობის სკოლა-პანსიონის XII კლასის მოსწავლეები -  თამარ სამხარაძე და საბა ამანათაშვილი, მათ გადაეცათ 500 ლარის ღირებულების კომპიუტერული ტექნიკისა და აქსესუარების სასაჩუქრე ბარათი და დიპლომები;

III ადგილი: ლანჩხუთის მუნიციპალიტეტის სოფ. აკეთის საჯარო სკოლის მოსწავლეები - მარიამ დოლიძე X  კლასი, ქეთევან აბაშიძე X კლასი, გუგა ცინცაძე XI კლასი და ნიკა ჩხაიძე  X კლასი, მათ გადაეცათ 400 ლარის ღირებულების კომპიუტერული ტექნიკისა და აქსესუარების სასაჩუქრე ბარათი და დიპლომები.