ლია გიგაური შვეიცარიელ კოლეგებს შეხვდა
შვეიცარიაში სამუშაო ვიზიტის ფარგლებში, საქართველოს განათლებისა და მეცნიერების მინისტრის მოადგილე ლია გიგაური შვეიცარიის კანტონის განათლების დეპარტამენტის ხელმძღვანელებს შეხვდა.
შეხვედრაზე ლია გიგაურმა საქართველოში ზოგადი განათლების მიმართულებით განხორციელებული სიახლეები გააცნო კოლეგებს და მოკლედ ისაუბრა სამომავლო გეგმებზე. შვეიცარიულმა მხარემ კი, ვრცელი პრეზენტაცია წარმოადგინა იმ პროექტებზე, რომელსაც შვეიცარია განათლების კუთხით ახორციელებს და მომავალში გეგმავს. მოწინავე და მაღალგანვითარებული ქვეყნის გამოცდილების გაზიარება მნიშვნელოვანია ჩვენი ქვეყნისთვის, შესაბამისად, შეხვედრაზე გამოიკვეთა პროექტები, რომელის ფარგლებშიც თანამშრომლობა ორივე მხარისთვის საინტრესო და მისაღები აღმოჩნდა.
