მადლობის სიგელი თანამშრომლობისთვის
საქართველოს კათოლიკოს-პატრიარქის ილია II-ის საერთაშორისო საქველმოქმედო ფონდის დაფუძნების 11 წლისთავთან დაკავშირებით, ილია მეორე ფონდის მმართველი საბჭოს წევრებს, მეურვეებს, შემომწირველებს და საგრანტო კონკურსების გამარჯვებულებს შეხვდა. ღონისძიების ფარგლებში, მადლობის სიგელები გადაეცათ იმ ორგანიზაციებსა და პირებს, რომლებმაც ბოლო წლებში ქმედითი და ფინანსური წვლილი შეიტანეს ფონდის საქმიანობაში. დაჯილდოებულთა შორის იყო განათლებისა და მეცნიერების სამინისტრო და პირადად, მინისტრი თამარ სანიკიძე.
კათოლიკოს-პატრიარქის ფონდის საქმიანობა ძალზე მრავალმხრივია, მათ შორის ბევრი კეთდება განათლების, კულტურისა და მეცნიერების განვითარების კუთხით. ამ მიმართულებით, ფონდთან აქტიურად თანამშრომლობს განათლებისა და მეცნიერების სამინისტრო, ხორციელდება ერთობლივი შემეცნებით - ინტელექტუალური კონკურსები, კონფერენციები, სემინარები და სხვა
