საქართველოში ესტონეთის ელჩის საჯარო ლექცია
სსიპ ზურაბ ჟვანიას სახელობის სახელმწიფო ადმინისტრირების სკოლაში, ესტონეთის საგანგებო და სრულუფლებიანმა ელჩმა საქართველოში - პრიიტ ტურკმა შეხვედრა გამართა სკოლის მსმენელებთან და სკოლის ადმინისტრაციასთან.
შეხვედრა, 2016 წლის 21 მარტს, ,,ნატოსა და ევროკავშირის შესახებ საინფორმაციო ცენტრის’’ ორგანიზებით გაიმართა.
ლექცია: ,,საქართველოს ევროპულ და ევროატლანტიკურ სტრუქტურებში ინტეგრაცია“, ელჩმა დამსწრე საზოგადოებისათვის წაიკითხა.
სსიპ ზურაბ ჟვანიას სახელობის სახელმწიფო ადმინისტრირების სკოლაში სწავლა 2016 წლის პირველი ნაკადისთვის 15 მარტს განახლდა. საჯარო მოსამსახურეები, საქართველოს სხვადასხვა რეგიონებიდან და ქალაქებიდან (მარნეული, წალკა, ლამბალო, ბოლნისი, დმანისი, ახალქალაქი, ლაგოდეხი, გარდაბანი, საგარეჯო, ნინოწმინდა, ცაგერი, ამროლაური, ხარაგაული, ყაზბეგი, დუშეთი, შუახევი) გადამზადებას საჯარო მმართველობისა და ადმინისტრირების პროგრამის დარგობრივ კურსებზე გადიან.
სსიპ ზურაბ ჟვანიას სახელობის სახელმწიფო ადმინისტრირების სკოლა 2005 წელს დაარსდა.
სკოლაში საჯარო მოხელეთა გადამზადება ორი პროგრამის ფარგლებში ხორციელდება: სახელმწიფო ენის სწავლების პროგრამა და საჯარო მმართველობა და ადმინისტრირება.
სკოლა განსაკუთრებულ ყურადღებას უთმობს ეთნიკური უმცირესობების წარმომადგენლებს და სპეციალური საგანმანათლებლო პროგრამებით ხელს უწყობს მათ სამოქალაქო ინტეგრაციას.
