სკოლის დირექტორის სტანდარტის პრეზენტაცია გაიმართა
საქართველოს განათლებისა და მეცნიერების მინისტრი დიმიტრი შაშკინი სკოლის დირექტორის სტანდარტის პრეზენტაციას დაესწრო. ნორმატიული დოკუმენტი, რომელზეც მასწავლებელთა პროფესიული განვითარების ეროვნული ცენტრის ექსპერტები მუშაობდნენ, სკოლის დირექტორის თეორიული ცოდნისა და პრაქტიკული უნარ-ჩვევების სტანდარტს ადგენს.
სკოლის დირექტორის სტანდარტზე მომუშავე ჯგუფში მონაწილეობას იღებდნენ საჯარო და კერძო სკოლების დირექტორები და მასწავლებლები, დამოუკიდებელი ექსპერტები, იურისტები, ფსიქოლოგები, ასევე საგანმანათლებლო რესურს-ცენტრებისა და საქართველოს განათლებისა და მეცნიერების სამინისტროს სსიპ-ის წარმომადგენლები. USAID-ის განათლების მართვის პროექტის დაფინანსებით, სპეციალურ კონსულტანტებად მოწვეული იყვნენ ჰარვარდისა და ვანდერბილდის უნივერსიტეტის პროფესორები.
მასწავლებელთა პროფესიული განვითარების ეროვნული ცენტრი სკოლის დირექტორებისთვის დამხმარე პროფესიული სახელმძღვანელოს შემუშავებასაც გეგმავს.
