თანამშრომლობა კერძო სექტორთან
კერძო სექტორი მხარს უჭერს პროფესიული განათლების რეფორმის ახალ ეტაპს. საქართველოს პრემიერ-მინისტრის ინიციატივამ, პროფესიულ განათლებაში სამუშაოზე დაფუძნებული სწავლების, მათ შორის დუალური განათლების დანერგვის შესახებ, კერძო სექტორის დიდი ინტერესი გამოიწვია.
საქართველოს განათლებისა და მეცნიერების სამინისტროში აქტიურად მიმდინარეობს შეხვედრები სხვადასხვა კომპანიების წარმომადგენლებთან. ამ მიმართულებით მნიშვნელოვანი შეხვედრა გაიმართა კომპანია თეგეტა-მოტორსის გენერალური დირექტორის მოადგილესთან, გიორგი მშვილდაძესთან.
თეგეტა მოტორსი მზადყოფნას გამოთქვამს, მიმდინარე წელსვე ჩაერთოს დუალური პროგრამების მომზადება-განხორციელების პროცესში (საავტომობილო ტრანსპორტის მიმართულებით). შეხვედრაზე ასევე დაიგეგმა მომდევნო წლების ძირითადი სამოქმედო ნაბიჯები, რაც ხელს შეუწყობს მაღალი ხარისხის პროფესიული განათლების მიწოდებას, შრომის ბაზრის მოთხოვნების დაკმაყოფილებას, მოსახლეობის დასაქმებისა და თვითდასაქმების შესაძლებლობების ზრდას.
