სამუშაო შეხვედრა ხაშურისა და კასპის პედაგოგებთან

შეხვედრები საჯარო სკოლების წარმომადგენლებთან გრძელდება. განათლების მინისტრის მოადგილე ლია გიგაური ამჯერად, ხაშურისა და კასპის მუნიციპალიტეტის საჯარო სკოლების დირექტორებსა და პედაგოგებს შეხვდა. შეხვედრა სიახლეების გაცნობის შემდეგ ტრადიციულად, კითხვა-პასუხის რეჟიმში გაგრძელდა. სამუშაო შეხვედრაზე ყველა მნიშვნელოვანი საკითხი იქნა განხილული და თემები, რომელიც სკოლის წარმომადგენლებს განსაკუთრებულად აინტერესებდათ. ყველა კითხვაზე აუდიტორიამ ამომწურავი პასუხი მიიღო.