ლია გიგაური სკოლის მასწავლებლებსა და დირექტორებს შეხვდა
საქართველოს განათლებისა და მეცნიერების მინისტრის მოადგილემ ლია გიგაურმა გასული სასწავლო წლის შედეგები ახმეტის მუნიციპალიტეტის საჯარო სკოლების პედაგოგიურ საზოგადოებასთან და სკოლების ადმინისტრაციასთან ერთად შეაჯამა. სამუშაო შეხვედრაზე სამომავლო გეგმებზეც ისაუბრეს და ის პრიორიტეტები განსაზღვრეს, რაც მომავალში მეტ წარმატებას და უკეთეს შედეგებს უზრუნველყოფს. ლია გიგაურმა პედაგოგების მიერ დასმულ ყველა შეკითხვას უპასუხა.
