შეხვედრა მეცნიერებთან
საქართველოს განათლებისა და მეცნიერების სამინისტროში სამეცნიერო სფეროს წარმომადგენლებთან შეხვედრა გაიმართა. შეხვედრის მიზანი იყო წამყვან მეცნიერებს სხვადასხვა უწყებიდან წარმოედგინათ მეცნიერების განვითარების საკუთარი ხედვა იმასთან დაკავშირებით, თუ როგორ უნდა შეუწყოს მეცნიერებამ ხელი ეკონომიკის განვითარებას. შეხვედრაზე განიხილეს თითოეულ სამეცნიერო დაწესებულებასთან, უწყებასთან თუ, უნივერსიტეტთან. თანამშრომლობის პერსპექტივები და დასახეს შემდგომი მოქმედების გეგმა.
შეხვედრას ესწრებოდნენ - განათლებისა და მეცნიერების მინისტრი, მინისტრის მოადგილე, ეროვნული და სოფლის მეურნეობის მეცნიერებათა აკადემიების, უნივერსიტეტების, სამინისტროს ქვეუწყებებისა და პარლამენტის წარმომადგენლები.
