სოციალურად დაუცველი მოსწავლეები წიგნებს სკოლებში უფასოდ მიიღებენ
რესურსცენტრების წარმომადგენლებისა და საჯარო სკოლების დირექტორთა მიერ სახელმძღვანელოების გატანა ბელიაშვილის ქუჩის 5 ნომერში მდებარე მანეჟიდან, 2 სექტემბრიდან 14 სექტემბრის ჩათვლით, ორგანიზებულად განხორციელდება.
მოსწავლეები წიგნებს თავიანთ სკოლებში სწავლის დაწყებამდე მიიღებენ. წელს პირველად გახდა შესაძლებელი ყველა სოციალურად დაუცველმა მოსწავლემ, პირველი კლასიდან მეთორმეტე კლასის ჩათვლით, სახელმწიფოსაგან სასკოლო სახელმძღვანელოები უსასყიდლოდ მიიღოს. ამ პროგრამის განხორცილებისთვის სახელმწიფომ 8 მილიონი ლარი გამოყო.
წიგნები ყველა რეგიონის სოციალურად დაუცველი ბავშვებისთვისაა განკუთვნილი და მათ მოსწავლეები ადგილზე, თავ-თავიანთ სკოლებში მიიღებენ.
მომავალში სახელმძღვანელოები სკოლის ბიბლიოთეკებს დარჩება და შემდგომში მის გამოყენებას სხვა სოციალურად დაუცველი ბავშვები შესძლებენ.
