მეცნიერება ქვეყნის ეკონომიკური განვითარებისთვის
ქვეყნის ეკონომიკურ განვითარებაში მეცნიერების როლი მნიშვნელოვანია. შესაბამისად, თავად მეცნიერების განვითარების ხელშეწყობა და მისი აყვანა თანამედროვე მოთხოვნების დონეზე, საქართველოს განათლებისა და მეცნიერების სამინისტროს პრიორიტეტია.
მეცნიერების განვითარების მოკლე და გრძელვადიანი სტრატეგიის შემუშავების მიზნით, განათლებისა და მეცნიერების მინისტრი ალექსანდრე ჯეჯელავა პერმანენტულად შეხვედრებს მართავს სამეცნიერო სფეროს წარმომადგენლებთან. მორიგი სამუშაო შეხვედრა დღეს გაიმართა ეროვნული და სოფლის მეურნეობის მეცნიერებათა აკადემიების, უნივერსიტეტების, სამინისტროს ქვეუწყებებისა და პარლამენტის წარმომადგენლებთან, სადაც სამეცნიერო-კვლევითი დაწესებულებების საჭიროებებზე, არსებული პრობლემების მოგვარებასა და მეცნიერების სხვადასხვა მიმართულების განვითარების გზებსა და პერსპექტივებზე იმსჯელეს.
