საერთაშორისო პროფესიული განათლების სპეციალისტების დაჯილდოება
სასტუმრო ბილტმორში საერთაშორისო ლიდერობის პროგრამის მონაწილეების დაჯილდოების ცერემონიალი გაიმართა. პროფესიული განათლების სპეციალისტები საქართველოდან, სომხეთიდან და აზერბაიჯანიდან, მივლენილი იქნენ გერმანიაში, მაგდებურგის უნივერსიტეტში პროფესიული განათლების შესწავლის მიზნით. პროგრამის ფარგლებში მონაწილეებს საშუალება ჰქონდათ, შეესწავლათ გერმანული დუალური პროფესიული განათლების პოლიტიკა, სწავლების მეთოდები და პროფესიულ განათლებაში კურიკულუმის შექმნისა და მედიის გამოყენების სტრატეგიები. გერმანია დუალური პროფესიული განათლების იმპორტიორი ქვეყანაა და ის მრავალი ევროპული და მსოფლიოს სხვა ქვეყნების ინტერესის სფეროა პროფესიული განათლების პოლიტიკის თვალსაზრისით. ეკონომიკის მზარდი მაჩვენებელი და ახალგაზრდების უმუშევრობის დაბალი მაჩვენებელი სწორედ წარმატებული პროფესიული განათლების პოლიტიკის შედეგია. პირველი ქვეყანაა სამხრეთ კავკასიის ქვეყნებს შორის, რომელმაც დუალური პროფესიული განათლების დანერგვა წელს დაიწყო. ამგვარად ის ერთგვარი ინტერესის ობიექტია მეზობელი ქვეყნებისათვის, რათა დანერგვისას მიღებული გამოცდილება მეზობელ ქვეყნებს გაუზიაროს. საერთაშორისო ორგანიზაცია GIZ. რომლის დაფინანსებითა და მხარდაჭერით საერთაშორისო პროფესიული განათლების პროგრამა განხორციელდა, მხარს უჭერს სამ ქვეყანას შორის თანამშრომლობის გაძლიერებას და ასევე კერძო სექტორის ჩართულობას პროფესიული განათლების პოლიტიკაში.
საქართველოდან პროგრამაში შვიდი მონაწილე იყო ჩართული, რომლებმაც მაგდებურგის უნივერსიტეტის პროფესორებთან თანამშრომლობით შეიმუშავეს ტრანსფერული პროექტები საქართველოში პროფესიული განათლების განვითარებისათვის. პროექტებს შორისაა ისეთი მნიშვნელოვანი საკითხები, როგორიცაა პროფესიული მასწავლებლებისა და სასწავლებლების დირექტორების პროფესიული განვითარება, შეფასების მეთოდები დუალურ განათლებაში, ტურიზმისა და მეღვინეობის მიმართულებით დუალური პროფესიული განათლების დანერგვა და სხვა.
