კონკურსი "კრეათონი"

საქართველოს განათლებისა და მეცნიერების სამინისტრო, განათლების მართვის საინფორმაციო სისტემა, საქართველოს ინოვაციების და ტექნოლოგიების სააგენტოს მხარდაჭერით აცხადებს „კრეათონს“, რომლის ფარგლებშიც მონაწილეები 12 საათის განმავლობაში ერთმანეთს შეეჯიბრებიან საუკეთესო კონცეფციის შექმნაში.

· ლოგოს დიზაინი (გრაფიკულად აწყობილი);

· საიტის კონცეფცია (ვიზუალური დიზაინი);

· მოკლემეტრაჟიანი ვიდეოს იდეა/კონცეფცია.

კრეათონი არის „მარათონის“ ტიპის ღონისძიება, სადაც მონაწილეები მოკლე დროში ინდივიდუალურად ან ჯგუფურად მუშაობენ კონკრეტული დავალების კრეატიულად შესრულებასა და ახალ იდეებზე.

გუნდის წევრების რაოდენობა არ უნდა აღემატებოდეს სამ ადამიანს.

12 საათიანი მუშაობის შედეგს აფასებს კომპეტენტური ჟიური. თითოეული მიმართულებით გამოვლინდება გამარჯვებული, რომელსაც გადაეცემა ფულადი ჯილდო 1500 ლარის ოდენობით.

კრეათონში მონაწილეობის მიღება შეუძლიათ სტუდენტებს, მოსწავლეებს და ყველა დაინტერესებულ პირს. მუშაობა შესაძლებელია ერთდროულად ერთ ან რამდენიმე მიმართულებაზე, რომელიც აუცილებელია მოინიშნოს რეგისტრაციისას. 

კრეათონის მსვლელობისას უზრუნველყოფილი იქნება მონაწილეთა კვება.

მონაწილეობას მიიღებს დარეგისტრირებული პირველი 100 ადამიანი, მსურველთა რეგისტრაციის ვადები: 5.12.2016-09.12.2016-ის ჩათვლით.

სარეგისტრაციო ფორმა: http://mes.gov.ge/register

მონაწილეობა უფასოა.

გისურვებთ წარმატებას !