საუკეთესო კონცეფციის შექმნაში კონკურსი გაიმართა

საქართველოს განათლებისა და მეცნიერების სამინისტრომ, საქართველოს ინოვაციების და ტექნოლოგიების სააგენტოს მხარდაჭერით, კონკურსი „კრეათონი“ განახორციელა, რომლის ფარგლებშიც მონაწილეები 12 საათის განმავლობაში ერთმანეთს საუკეთესო კონცეფციის შექმნაში ეჯიბრებოდნენ.

კრეათონი არის მარათონის ტიპის ღონისძიება, სადაც მონაწილეები მოკლე დროში ინდივიდუალურად ან ჯგუფურად მუშაობენ კონკრეტული დავალების კრეატიულად შესრულებასა და ახალ იდეებზე.

კრეათონი მოიცავდა სამ მიმართულებას:

• ლოგოს დიზაინი (გრაფიკულად აწყობილი);

• საიტის კონცეფცია (ვიზუალური დიზაინი);

• მოკლემეტრაჟიანი ვიდეოს იდეა/კონცეფცია.

თემატიკა 100-მდე მონაწილეს უშუალოდ კრეათონის დაწყებისას განესაზღვრათ, გუნდის წევრთა რაოდენობა სამ ადამიანს არ აღემატებოდა.

12 საათიანი მუშაობის შედეგები კომპეტენტურმა ჟიურიმ შეაფასა. ჟიურის წევრები იყვნენ: რუსუდან ფეტვიაშვილი, დავით ბირმანი, გიორგი მიქაია, ნიკა გვენცაძე, GITA, თემურ გოგოლაძე, დავით ქელეხსაშვილი, მარიამ ბექაური, გიორგი თავაძე, Microsoft.

თითოეული მიმართულებით გამოვლინდა გამარჯვებულები, რომელთაც ფულადი ჯილდო 1500 ლარის ოდენობით გადაეცა. გამარჯვებული კანდიდატებია: ლოგოს დიზაინის მიმართულება: გიორგი და ნინო ცუცქირიძეები, საიტის კონცეფციის მიმართულება, ჯგუფი Elliot Webber (გიორგი ბერეჩიკიძე, თორნიკე ხოტივარი, მართა ღუდუშაური), ვიდეო კონცეფციის მიმართულება ჯგუფი Partner (სალომე კოკაია, დევი ციხისელი, თამაზ ჯობავა).