ვებგვერდი ერთი თვის განმავლობაში მუშაობს სატესტო რეჟიმში. ინფორმაცია შესაძლოა არასრული ან არაზუსტი იყოს.
English

WORLDSKILLS GEORGIA-ს რიგით მესამე ეროვნულ შეჯიბრებაზე რეგისტრაცია იწყება

გამოცადეთ თქვენი შესაძლებლობები, აღმოაჩინეთ თქვენი უნარების ძალა, მიიღეთ მონაწილეობა პროფესიული უნარების ეროვნულ შეჯიბრებაში!

2017 წლის 18-19 იანვარს თბილისში ჩატარდება WorldSkills Georgia-ს რიგით მესამე ეროვნული შეჯიბრება ექვს პროფესიაში:

  • ვებდიზაინი
  • გრაფიკული დიზაინი
  • სამზარეულო საქმე
  • სარესტორნო სერვისი
  • საკონდიტრო საქმე  
  • საპარიკმახერო საქმე 

WorldSkills Georgia-ს რიგით მესამე ეროვნულ შეჯიბრებაში მონაწილეობის მსურველებს 20 დეკემბრიდან 27 დეკემბრის ჩათვლით შესაძლებლობა ექნებათ ელექტრონულად შეავსონ განაცხადი და დარეგისტრირდნენ  WorldSkills Georgia-ს ოფიციალურ ვებგვერდზე www.worldskills.ge 

შეავსეთ განაცხადი 

გაითვალისწინეთ, შეჯიბრების მონაწილის ასაკი არ უნდა აღემატებოდეს 22 წელს 2017 წლის პირველ ნოემბრამდე!

28 დეკემბრიდან 30 დეკემბრის ჩათვლით დარგის ექსპერტები შემოსული განაცხადებისა და მონაწილეობის მსურველ კანდიდატებთან პირადი გასაუბრების საფუძველზე შეარჩევენ WorldSkills Georgia -ს რიგით მესამე ეროვნული შეჯიბრების მონაწილეებს. 

თითოეულ პროფესიაში არსებული ინფრასტრუქტურიდან გამომდინარე ეროვნულ შეჯიბრებაში მონაწილეობის მისაღებად შეირჩევა მაქსიმუმ 8 მონაწილე. გამონაკლისია ვებდიზაინი, რადგან ინფრასტრუქტურა საშუალებას იძლევა შეჯიბრებაში მონაწილეობა ერთდროულად მიიღოს 18 მონაწილემ. თითოეულ პროფესიაში გამოვლინდებიან პირველი, მეორე და მესამე საპრიზო ადგილების მფლობელები, რომლებსაც გადაეცემათ სერტიფიკატები.

WorldSkills Georgia 2017 - ეროვნულ  შეჯიბრებაში პირველ ადგილზე გასული ახალგაზრდებისგან დაკომპლექტდება WorldSkills Georgia-ს ეროვნული გუნდი. ეროვნული გუნდი მონაწილეობას მიიღებს WorldSkills–ის რიგით 44-ე საერთაშორისო შეჯიბრებაში, რომელიც 2017 წლის ოქტომბერში აბუ-დაბიში გაიმართება. 

WorldSkills Georgia არის საქართველოს განათლებისა და მეცნიერების სამინისტროსა და განათლების ხარისხის განვითარების ეროვნული ცენტრის ერთობლივი პროექტი, რომლის მიზანია საქართველოში პროფესიული განათლების პოპულარიზაცია, ხარისხის გაუმჯობესება და საერთაშორისო სტანდარტებთან დაახლოება. პროექტი - WorldSkills Georgia - 2012 წელს დაიწყო და განხორციელდა გერმანიის მთავრობის მხარდაჭერით და გერმანიის საერთაშორისო თანამშრომლობის საზოგადოების (GIZ) ტექნიკური მხარდაჭერით. 

2012 წლიდან WorldSkills Georgia, განათლების ხარისხის განვითარების ეროვნული ცენტრის სახელით არის WorldSkills International-ის წევრი. ეწვიეთ ვებგვერდს www.worlskills.org, სადაც შეგიძლიათ გაეცნოთ ორგანიზაციის 60-წლიან ისტორიას.

საქართველოში WorlsSkills-ის ეროვნული შეჯიბრება ჩატარდა ორჯერ. საქართველოს გუნდმა ორჯერ მიიღო მონაწილეობა WorlsSkills-ის საერთაშორისო შეჯიბრებაში (2013 წელი, ლაიფციგი - სამ პროფესიაში: სამზარეულო საქმე, შედუღება, ვებ-დიზაინი; 2015 წელი, სან-პაულო - ექვს პროფესიაში: სამზარეულო საქმე, შედუღება, ვებდიზაინი, სარესტორნო საქმე, ფლორისტიკა, საპარიკმახერო საქმე).

დარეგისტრირდით WorldSkills Georgia-ს ვებგვერდზე www.worldskills.ge პროფესიული უნარების რიგით მესამე ეროვნულ შეჯიბრებაში მონაწილეობის მისაღებად, გამოცადეთ შესაძლებლობები, აღმოაჩინეთ უნარების ძალა!

დაგვიკავშირდით:

(+995) 577 278841

(+995) 577 587005

 

ᲑᲝᲚᲝ ᲡᲘᲐᲮᲚᲔᲔᲑᲘ

გივი მიქანაძემ და თურქეთის რესპუბლიკის უმაღლესი განათლების საბჭოს პრეზიდენტმა ურთიერთგაგების მემორანდუმს მოაწერეს ხელისაქართველოს განათლების, მეცნიერებისა და ახალგაზრდობის სამინისტროსა და თურქეთის რესპუბლიკის უმაღლესი განათლების საბჭოს შორის თანამშრომლობის გაღრმავების მიზნით ურთიერთგაგების მემორანდუმი გაფორმდა.ზვიად გაბისონიამ გერმანიის ადმინისტრაციულ მეცნიერებათა უნივერსიტეტის რექტორთან შეხვედრა გამართასაქართველოს განათლების, მეცნიერებისა და ახალგაზრდობის მინისტრის მოადგილე ზვიად გაბისონიამ ქალაქ შპაიერში გერმანიის ადმინისტრაციულ მეცნიერებათა უნივერსიტეტის რექტორთან, პროფესორ კონსტანცე იანდასთან სამუშაო შეხვედრა გამართა.გივი მიქანაძემ ჭიათურის მუნიციპალიტეტის ღვაწლმოსილი პედაგოგები დააჯილდოვასაქართველოს განათლების, მეცნიერებისა და ახალგაზრდობის მინისტრმა გივი მიქანაძემ ჭიათურის მუნიციპალიტეტის საჯარო სკოლების ღვაწლმოსილ პედაგოგებს მრავალწლიანი და ნაყოფიერი პროფესიული საქმიანობისთვის მადლობის სიგელები გადასცა.
ყველა სიახლე