ყველა ახალი აშენებული და გარემონტებული სკოლა ინფრასტრუქტურას ახალი წესით მოუვლის
ათასწლეულის გამოწვევის ფონდმა და განათლებისა და მეცნიერების სამინისტრომ საჯარო სკოლების მოვლა-პატრონობის (O&M) პროექტის შემუშავებას ინიცირება გაუკეთეს. პროექტი სკოლებს საშუალებას მისცემს უკეთ მიხედონ ინფრასტრუქტურას, რაც აუცილებელი წინაპირობაა სასწავლო შედეგების გაუმჯობესებისთვის.
საქართველოს საჯარო სკოლების შენობების გამოკვლევებმა აჩვენა, რომ მათი მოვლა-პატრონობის სისტემა არ არსებობს, რამაც განაპირობა შენობების მდგომარეობის თანდათანობითი გაუარესება. ეს საგანმანათლებლო სისტემისთვის დიდ დაბრკოლებას წარმოადგენს და მისი გადაჭრა აღნიშნული პროექტის ფარგლებში მოხდება.
საჯარო სკოლების მოვლა-პატრონობის პროექტი ხორციელდება აშშ-ის ათასწლეულის გამოწვევის კორპორაციის მეორე $140 მილიონიანი კომპაქტის ფარგლებში.
