პროფესიული განათლების დონორთა საკოორდინაციო შეხვედრა

საქართველოს განათლებისა და მეცნიერების სამინისტროში, პროფესიული განათლების განვითარების დეპარტამენტის ორგანიზებით, დონორთა საკოორდინაციო შეხვედრა გაიმართა. შეხვედრაში მონაწილეობდნენ ის საერთაშორისო ორგანიზაციები, რომლებიც საქართველოში პროფესიული განათლების სფეროში საქმიანობენ.  კერძოდ, ევროკავშირის  წარმომადგენლობა საქართველოში (EU), ათასწლეულის გამოწვევის ფონდი  - საქართველო (MCA), გერმანიის საერთაშორისო თანამშრომლობის საზოგადოება (GIZ), გაეროს განვითარების პროგრამა (UNDP), საქართველოს სავაჭრო-სამრეწველო პალატა, მიუნხენისა და ზემო ბავარიის პალატის ადგილობრივი წარმომადგენლობა და მსოფლიო ბანკი (WB).

შეხვედრის ფარგლებში, განხილული იქნა სამინისტროსა და ზოგადად პროფესიული განათლების სფეროში მიმდინარე აქტივობები, ასევე, დონორი ორგანიზაციების მიმდინარე პროექტების განხორციელების სტატუსი და სამომავლო პერსპექტივები. დონორი ორგანიზების მიერ განისაზღვრა მომავალი თანამშრომლობის სფეროები და შესაძლებლობები.

საქართველოს განათლებისა და მეცნიერების სამინისტროსათვის მნიშვნელოვანია დონორთა კოორდინაციის საკითხი და ეფექტური პარტნიორობა, რათა მიმდინარე თუ დაგეგმილი პროექტები შეესაბამებოდეს სახელმწიფოს მიერ განათლების სფეროში განსაზღვრულ პრიორიტეტებს.