სემინარი პროფესიული კოლეჯების დირექტორებისთვის
საქართველოს განათლებისა და მეცნიერების სამინისტროს ორგანიზებითა და საზოგადოებრივი კოლეჯის „ახალი ტალღა“ ხელშეწყობით, პროფესიული საგანმანათლებლო დაწესებულებების დირექტორთათვის საინფორმაციო სემინარი გაიმართა.
სემინარს საქართველოს განათლებისა და მეცნიერების მინისტრის პირველი მოადგილე, ქეთევან ნატრიაშვილი და საქართველოს პარლამენტის განათლების, მეცნიერების და კულტურის კომიტეტის თავჯდომარე, მარიამ ჯაში უძღვებოდნენ. მონაწილეებს პროფესიული განათლების სისტემაში მიმდინარე პროცესების შესახებ ინფორმაცია მიეწოდათ. ასევე, საგანმანათლებლო დაწესებულებების მხრიდან, მოხდა წარმატებული მაგალითების გაზიარება კერძო სექტორთან თანამშრომლობის ფარგლებში.
ღონისძიებას საჯარო და კერძო, პროფესიული საგანმანათლებლო დაწესებულებების წარმომადგენლები, აჭარის განათლების მინისტრი, მინისტრის მოადგილე, ა/რ დასაქმების სააგენტოს წარმომადგენლები და ტურიზმის სექტორში მოქმედი ადგილობრივი დამსაქმებლები ესწრებოდნენ.
