საზაფხულო ბანაკები 2017 - კაჭრეთი
კაჭრეთის პროფესიული კოლეჯის ტერიტორიაზე განთავსებულ მოსწავლეთა საზაფხულო ბანაკს საქართველოს ვიცე-პრემიერი, განათლებისა და მეცნიერების მინისტრი ალექსანდრე ჯეჯელავა და სოფლის მეურნეობის მინისტრი ლევან დავითაშვილი ესტუმრნენ. ბანაკში დასავლეთ საქართველოს სხვადასხვა რეგიონის მოსწავლეები ისვენებენ და პარალელურად, სხვადასხვა პროფესიებს ეუფლებიან.
მოსწავლეებმა მინისტრებს თავად გააცნეს რას საქმიანობენ დღის განმავლობაში და რა უნარები შეიძინეს. ბოლოს კი, საგანგებოდ მომზადებული ფლეშმობი წარმოუდგინეს სტუმრებს.
კაჭრეთის საზაფხულო ბანაკის პროგრამა კინო გადაღებებს, სცენარის სპეციფიკის გაცნობას, მონტაჟის სწავლებას, ფოტოხელოვნების ვორქშოპებს, კულინარიასა და ღვინის ჩამოსხმის ტექნოლოგიის შესწავლას ითვალისწინებს. მოსწავლეები ჩართულნი არიან ასევე სხვადასხვა ინტელექტუალურ, სპორტულ აქტივობებსა და გუნდურ თამაშებში. იმართება ფილმების ჩვენება ღია ცის ქვეშ და ა.შ.
კაჭრეთის პროფესიულ კოლეჯში საზაფხულო ბანაკი 10 ივლისს გაიხსნა და ის შვიდიდან ერთ-ერთი ლოკაციაა, რომელიც 2017 წლის ივლის-სექტემბერში 1500 ბენეფიციარს ნაკადებად (თითოეულ ნაკადზე 150 მოსწავლე) მიიღებს.
