სოციალური პროექტი „ძლიერები არ ძალადობენ“
კომპანია PRMC-ს სოციალური პროექტის „ძლიერები არ ძალადობენ“ ფარგლებში, თბილისის N166 საჯარო სკოლას, სპორტსმენი გენო პეტრიაშვილი და სხვა მოჭიდავეები ეწვივნენ. სპორტსმენები მოზარდებს ჯანსაღი ცხოვრების წესის მნიშვნელობაზე, ასევე, დისკრიმინაციის, ძალადობისა და ბულინგის მავნებლობაზე ესაუბრნენ.
პროექტი სსიპ საგანმანათლებლო დაწესებულების მანდატურის სამსახურის ფსიქოლოგიური მომსახურების ცენტრთან თანამშრომლობით ხორციელდება და მასში ჩართულები არიან ცენტრის ფსიქოლოგები. შეკრებილ მოსწავლეებს ფსიქოლოგებმა ბულინგის წინააღმდეგ ბრძოლის აუცილებლობაზე ესაუბრნენ და მათ კითხვებს კვალიფიციური პასუხები გასცეს.
„ძლიერები არ ძალადობენ„ - ამ სლოგანით PRMC-ის პროექტი ბულინგის წინააღმდეგ ბრძოლის იდეის გარშემო რამდენიმე უმნიშვნელოვანეს მიზანს აერთიანებს, მათ შორის, ახალგაზრდა თაობაში ისეთი ფასეულობების დამკვიდრებას, როგორიცაა არაძალადობრივი ცხოვრება, ადამიანის უფლებები და ჯანსაღი ცხოვრების წესის პოპულარიზაცია.
