მინისტრი კანადაში ვიზიტს განაგრძობს

კანადაში ოფიციალური სამუშაო ვიზიტით მყოფმა საქართველოს განათლებისა და მეცნიერების მინისტრმა დიმიტრი შაშკინმა და ტორონტოს უნივერსიტეტის ხელმძღვანელებმა სამუშაო შეხვედრა გაიმართეს.

ტორონტოს უნივერსიტეტს ერთ-ერთი წამყვანი ადგილი უჭირავს მსოფლიო უნივერსიტეტების სიაში, განსაკუთრებით საინჟინრო ტექნოლოგიებსა და საბუნებისმეტყველო მეცნიერებების კუთხით, რაც საქართველოში პრიორიტეტულ მიმართულებას წარმოადგენს. შეხვედრის მიზანი საქართველოსა და ტორონტოს უნივერსიტეტებს შორის სამომავლო თანამშრომლობა იყო.

საინჟინრო ტექნოლოგიებსა და საბუნებისმეტყველო მეცნიერებების სფეროში გამოცდილების გაზიარების მიზნით, შეხვედრაზე სტუდენტთა გაცვლის თაობაზე აქტიური თანამშრომლობა დაიგეგმა.